Futbol tarixidagi eng yaxshi murabbiy aniqlandi
Uning qoʻl ostida "Manchester Yunayted" 13 marta Angliya Premer-ligasi (APL) chempioni boʻldi.
FourFourTwo nashri "Manchester Yunayted"ning sobiq bosh murabbiyi Aleks Fergyusonni futbol tarixidagi eng yaxshi murabbiy deb tan oldi.
Fergyuson 1986 yildan 2013 yilgacha “Manchester Yunayted”ni boshqargan. Uning qoʻl ostida "Manchester Yunayted" 13 marta Angliya Premer-ligasi (APL) chempioni boʻldi, besh marta mamlakat kubogini qoʻlga kiritdi va ikki marta UYeFA Chempionlar Ligasi kubogini qoʻlga kiritdi.
Shuningdek, “Manchester Yunayted” Fergyuson bilan klublar oʻrtasidagi jahon chempionati, qitʼalararo kubok, Yevropa kubogi egalari kubogi, Yevropa superkubogida gʻolib chiqdi va toʻrt marta Angliya liga kubogini qoʻlga kiritdi. Fergyuson Shotlandiyaning "Sent-Jonston", "Falkirk", "Sent-Mirren" va "Aberdin" klublariga ham murabbiylik qilgan.
Tarixdagi eng yaxshi 10 murabbiy:
1. Aleks Fergyuson;
2. Rinus Mishels;
3. Yoxan Kroyff;
4. Bill Shenkli;
5. Xosep Gvardiola;
6. Arrigo Sakki;
7. Mett Basbi;
8. Helenio Yerrera;
9. Ernst Xappel;
10. Valeriy Lobanovskiy.