Mirziyoyev Italiya prezidentiga hamdardlik bildirdi
Napolitano Italiya davlatini 2006 yilning mayidan 2015 yilning yanvarigacha boshqargan.
Oʻzbekiston Respublikasi Prezidenti Shavkat Mirziyoyev Italiya Respublikasi Prezidenti Serjo Mattarellaga ushbu mamlakat sobiq Prezidenti, yirik davlat va jamoat arbobi, senator Jorjo Napolitano vafot etgani munosabati bilan taʼziya yoʻlladi.
Bu haqda prezident matbuot xizmati xabar berdi.
Davlat rahbari Italiya xalqiga hamda marhumning oila aʼzolariga chuqur hamdardlik bildirdi.
Napolitano Italiya davlatini 2006 yilning mayidan 2015 yilning yanvarigacha boshqargan. 2013 yil aprel oyida u mamlakat tarixida ikkinchi muddatga qayta saylangan respublikaning birinchi prezidenti boʻldi. Keyin u mamlakat taqdiri uchun qaygʻurib, yangi mandatga "rozi boʻlishga majbur boʻlganini" aytgandi. U Kommunistik partiyaning sobiq aʼzosi boʻlgan Italiyaning yagona rahbari boʻldi.
2018 yilning aprel oyida Napolitano aorta anevrizmasi boʻyicha operatsiyani muvaffaqiyatli oʻtkazdi. U oʻtgan yilning may oyida qorin boʻshligʻida jarrohlik amaliyoti uchun kasalxonaga yotqizilgandi.