Qibray hokimiyatidagi "tozalash" ishlari tugadi
Tuman hokimligida ishlab kelayotgan 19 nafar rahbar ishdan olindi.
Qibray tumani hokimligidagi maʼnaviy muhit, ijro apparati faoliyatini tubdan yaxshilash maqsadida boshlangan kadrlar bilan ishlashning “Qibray tajribasi” tugadi.
Toshkent viloyati hokimligi xabariga koʻra, tuman hokimligi, korxona va tashkilotlardagi 64 nafar rahbar xodimlardan 47 nafari lavozimidan ozod etilib, ularning oʻrniga yosh, salohiyatli kadrlar tayinlandi. 17 nafar rahbar kadrlar tuman hokimining kafolati asosida sinov muddati bilan lavozimida qoldirildi.
Tuman hokimligida ishlab kelayotgan 19 nafar rahbar ishdan olinib, 10 nafari ish joyida sinov muddati bilan qoldirildi. Lavozimga tayinlanganlarning 25 nafari 25-35 yoshgacha boʻlgan kadrlar ekani aytiladi.