Putinning keskin qarori, prokurorlarning qoʻlga olinishi

21 sentabr sanasi bilan bogʻliq xabarlar.

Xalqaro tinchlik kuni. Bu sana BMT Bosh Assambleyasining 36-sessiyasida tasdiqlangan.

Xalqaro Alsgeymer kasalligi haqida xabardorlik kuni. Birinchi marta 1907 yilda nemis psixiatri Alois Alsgeymer (1864-1915) tomonidan tasvirlangan neyrodegenerativ kasallik. Qoida tariqasida, u 65 yoshdan oshgan odamlarda uchraydi, ammo kasallikning kam uchraydigan shakli boʻlgan erta Alsgeymer kasalligi ham mavjud. 2006 yilda global kasallanish 26,6 million kishini tashkil etdi va 2050 yilga kelib bemorlar soni toʻrt baravar oshishi mumkin.

1964 yil – Malta Buyuk Britaniyadan mustaqillikka erishdi.

1972 yil – Filippin prezidenti Ferdinand Markos mamlakatda favqulodda holat eʼlon qildi va konstitutsiyani bekor qildi.

1981 yil – Beliz Buyuk Britaniyadan mustaqillikka erishdi.

1991 yil – referendumda saylovchilarning 99 foizi Armaniston mustaqilligi uchun ovoz berdi.

1992 yil – KKP Markaziy Qoʻmitasi Siyosiy byurosining Doimiy qoʻmitasi "Xitoyning boshqariladigan kosmik kemalar dasturini ishlab chiqish boʻyicha rahbarlik soʻrovlari" rezolyutsiyasini koʻrib chiqdi va tasdiqladi, bu Xitoyning boshqariladigan kosmik dasturining "Loyiha 921" doirasida amalga oshirilgan.

1993 yil – Rossiya Prezidenti Boris Yelsin Oliy Kengashni tarqatib yuborish toʻgʻrisidagi farmonni imzoladi. Rossiya Federatsiyasi Konstitutsiyaviy sudi prezidentning xatti-harakatlarini konstitutsiyaga zid deb topdi.

2004 yil – Burj Xalifa qurilishi boshlandi.

2021 yil – Oʻzbekiston tarixida ilk bor Buxoro neftni qayta ishlash zavodi tomonidan AI-98 markali benzin ishlab chiqarildi.

Jizzax va Samarqandda prokurorlar pora bilan qoʻlga tushdi.

Roodell kompaniyasi ADM Jizzakh zavodida LADA avtomobillarini yigʻishni boshladi. Birinchi boʻlib Vesta SW va XRAY modellarini ishlab chiqish yoʻlga qoʻyildi.

2022 yil – Rossiyaning Ukrainaga bostirib kirishi: Rossiya prezidenti Vladimir Putin mamlakatning zamonaviy tarixidagi birinchi safarbarlikni eʼlon qildi. Avvalgi safarbarlik Rossiya hududida 1941 yilda eʼlon qilingan edi.

Oʻzbekiston Tashqi mehnat migratsiya agentligi Rossiyadagi oʻzbekistonliklarni namoyishlarda qatnashmaslikka chaqirdi.

• Deutsche Welle nashrida Germaniyada rossiyalik tadbirkor Alisher Usmonovga aloqadorligi aytilayotgan 24 ta obʼektda tintuvlar oʻtkazilgani haqida xabar eʼlon qilindi.
• Oʻzbekiston Prezidenti mamlakatdagi kimyo zavodlaridagi davlat ulushini xususiylashtirish boʻyicha koʻrsatma berdi.
• Oʻzbekiston Davlat xavfsizlik xizmati (DXX) Navoiyda fuqarodan 8 ming dollar pora olgan ikki advokat ushladi va ularning noqonuniy faoliyatiga chek qoʻydi.
• FlyDubai aviakompaniyasi Dubaydan Samarqandga muntazam qatnovlarni yoʻlga qoʻydi.
• BMT Oziq-ovqat va qishloq xoʻjaligi tashkiloti (FAO) Bosh direktori Suy Dunyu Oʻzbekistonning 2023 yilda oziq-ovqat xavfsizligi boʻyicha xalqaro anjuman oʻtkazish boʻyicha tashabbusini qoʻllab-quvvatladi.
• Forbes ilk bor Oʻzbekistondagi ishonchli banklar reytingini eʼlon qildi. Unda Oʻzbekistondagi eng ishonchli 10 ta bank reytingida NBU, Ipoteka bank, Sanoat qurilish bank peshqadam boʻlishdi.

Tavalludlar.

1957 yil – Oʻzbekistonda xizmat koʻrsatgan artist, Oʻzbek Milliy akademik drama teatri va kino aktrisasi Saida Rametova;

1971 yil – Oʻzbekiston Respublikasi Adliya vaziri Akbar Toshqulov;

1979 yil – Oʻzbekiston MOQ Ijroiya qoʻmitasi aʼzosi, YevroOsiyo ot sporti assotsiatsiyasi vitse-prezidenti Baxromjon Gaziyev;

1983 yil – Oʻzbekiston Milliy paralimpiya qoʻmitasi raisi, Osiyo Paralimpiya qoʻmitasi vitse-prezidenti, Oʻzbekiston Respublikasida xizmat koʻrsatgan sport ustozi Muxtorxon Tashxodjayev tavallud topgan.