Fayzullo Mullajonovning oʻgʻli yangi lavozimga tayinlandi
U avval prokuratura tizimining quyi boʻgʻinlarida ham ishlagan.
Bosh prokurorning buyrugʻi bilan adliya katta maslahatchisi Abdukahhor Fayzulloyevich Mullajanov Toshkent viloyati prokurorining birinchi oʻrinbosari lavozimiga tayinlandi. Bu haqda Bosh prokuratura matbuot xizmati maʼlum qildi.
Abduqahhor Mullajanov tayinlovga qadar Sirdaryo viloyati prokurorining oʻrinbosari lavozimida ishlagan.
Abduqahhor Mullajanov 1976 yilda Sirdaryo viloyatida tugʻilgan, maʼlumoti oliy, huquqshunos. 2002 yilda Toshkent davlat yuridik institutini (hozirda yuridik universitet) tamomlagan.
U 1991-2017 yillarda (oʻlimiga qadar) Markaziy bankni boshqargan Fayzullo Mullajonovning farzandi sanaladi.
