Adabiyotshunos olim Naim Karimov vafot etdi
Olim oʻnlab kitoblar, yuzlab maqolalar muallifi sanaladi.
Akademik, adabiyotshunos olim, Yozuvchilar uyushmasi aʼzosi Naim Karimov vafot etdi.
Bu haqda Oʻzbekiston Yozuvchilar uyushmasi axborot xizmati xabar berdi.
Naim Karimov 1932 yili tugʻilgan. Toshkent Davlat universiteti (hozirgi Milliy universitet)ni bitirgandan beri Alisher Navoiy nomidagi Til va adabiyot institutida xizmat qilgan. Olim oʻnlab kitoblar, yuzlab maqolalar muallifi. Beruniy mukofoti laureati, Oʻzbekiston Respublikasi fan arbobi.
Mustamlakachilik davri qurbonlari xotirasini abadiylashtirish yoʻlidagi xizmati uchun “El-yurt hurmati” ordeniga sazovor boʻlgan.