Mirziyoyev Tojikiston va AQShga boradi
Bu haqda prezident matbuot xizmati xabar berdi.
Oʻzbekiston prezidenti Tojikiston va AQShga boradi. Jumladan, Shavkat Mirziyoyev 14-15 sentabr kunlari Dushanbe shahrida boʻladi.
Bu yerda Markaziy Osiyo davlatlari rahbarlarining beshinchi maslahat uchrashuvi hamda Orolni qutqarish Xalqaro jamgʻarmasi sammiti boʻlib oʻtadi.
Bu haqda prezident matbuot xizmati xabar berdi.
Shuningdek, keyingi haftada Oʻzbekiston prezidenti AQShga joʻnab ketadi. Sh.Mirziyoyev Nyu-York shahrida BMT Bosh assambleyasining 78-sessiyasi umumsiyosiy munozaralarida nutq soʻzlaydi hamda "S5+1" formatidagi AQSh va Markaziy Osiyo davlatlari rahbarlarining birinchi uchrashuvida ishtirok etadi.
