Buxoroda avtokran qulashi oqibatida ikki kishi qurbon boʻldi
Hodisa shu yilning 5 sentabr kuni yuz bergani maʼlum qilindi.
Buxoro shahridagi koʻp qavatli uy qurilishida ishlayotgan fuqarolar avtokran ilgagidagi bunkerdan yiqilib tushishi oqibatida vafot etdi. Hodisa tasvirlari ijtimoiy tarmoq va OAVda eʼlon qilingan.
Hodisa shu yilning 5 sentabr kuni yuz bergani maʼlum qilindi. Tafslotlarga koʻra, qurbonlar koʻp qavatli uy qurilishida yollanma ishchi sifatida ishlab kelgan fuqarolar — qashqadaryolik A.I. hamda N.Q. boʻlgan.
Buxoro viloyat prokuraturasiga koʻra, yuk koʻtarish uchun moʻljallangan avtokranning ilgagiga osilgan bunkerga kirib binoning 8-qavati fasad qismini suvayotgan 21 yoshli fuqarolar avtokran bunkeri bino devoriga tegib, ilgaklari uzilishi natijasida yerga yiqilib, ogʻir tan jarohati olgan.
Ular Respublika shoshilinch tez yordam ilmiy markazi Buxoro filialining qayta joylantirish boʻlimida vafot etgan.
