Budapeshtga vaʼda qilingan aviparvozlar amalga oshirilmayapti
Eslatib oʻtamiz, Oʻzbekiston va Vengriya oʻrtasida aviareyslar qoʻyilishi avgust oyida maʼlum qilingandi.
Oʻzbekiston va Vengriya poytaxtlari oʻrtasidagi toʻgʻridan toʻgʻri aviaparvoz toʻxtab qoldi. Bu haqda Daily News Hungary nashri yozmoqda.
Maʼlumotlarga koʻra, Qanot Sharq aviakompaniyasi amalga oshirishi kerak boʻlgan haftada ikki bora reys bekor qilingan.
Eslatib oʻtamiz, Oʻzbekiston va Vengriya oʻrtasida aviareyslar qoʻyilishi avgust oyida maʼlum qilingandi. Oʻshanda Vengriya tashqi ishlar vaziri Petr Siyyarto va Oʻzbekiston investitsiyalar, sanoat va savdo vaziri Laziz Qudratovlar oʻzaro kelishuvga erishgandi.
Parvozlar 2023 yilning 20 avgust kunidan boshlanishi belgilangan.
OAVga koʻra, Budapesht aeroportida Toshkentga parvozlar haqida maʼlumot yoʻq, Qanot Sharq aviakompaniyasi ham reyslar bekor qilinganini tasdiqlagan.