Ayrim vitaminlarning koʻp miqdori saratonga olib kelishi mumkinligi aniqlandi
Xususan, organizmdagi bu vitaminlarning koʻpayishi yangi qon tomirlarining oʻsishiga olib kelishi mumkin.
Shvetsiyadagi Karolina universiteti tadqiqotchilari ortiqcha miqdorda qabul qilinsa saraton rivojlanishiga turtki boʻladigan ikkita vitaminni aniqladilar.
Olimlarning fikriga koʻra, bu vitaminlar C va Ye sanaladi. Ularning haddan tashqari miqdori xavfli boʻlishi mumkin. Xususan, organizmdagi bu vitaminlarning koʻpayishi yangi qon tomirlarining oʻsishiga olib kelishi mumkin. Bu, oʻz navbatida, toʻqimalarning kislorod bilan toʻyinganligiga va natijada saraton hujayralarining oʻsishiga olib keladi.
Tadqiqotchilar tajriba oʻtkazdilar, unda saraton kasalligiga chalingan kemiruvchilarni kuzatdilar va oʻsmalarning oʻsish surʼati antioksidantlar dozasining oshishiga mutanosib ravishda oshgan degan xulosaga kelishdi. Bu ularning vitaminlarni ortiqcha isteʼmol qilish xavfi haqidagi taxminlarini tasdiqladi. Tekshiruvlar oziq-ovqat tarkibidagi vitaminlarga ham, biologik faol qoʻshimchalar tarkibiga kiruvchi vitaminlarga ham tegishli, deb yozadi The Journal of Clinical Investigation.
