Toshkentda yangi oʻquv yili sabab qoʻshimcha avtobus yoʻnalishlari ochildi
Poytaxtdagi taʼlim maskanlarida navbatdagi oʻquv yili boshlanishi tufayli jamoat transportida tirbandlik ortadi.
Toshkent shahrida yangi oʻquv yilidan boshlab qoʻshimcha 7 ta yangi avtobus yoʻnalishlari tashkil etilmoqda. Bu haqda “Toshshahartransxizmat” xabar berdi.
Poytaxtdagi taʼlim maskanlarida navbatdagi oʻquv yili boshlanishi tufayli jamoat transporti xizmatlaridan foydalanuvchi yoʻlovchilar oqimi ortadi.
Shu sababli, yoʻlovchilarga koʻrsatilayotgan transport xizmatlari sifatini oshirish hamda yoʻlovchilar tashish uzluksizligini taʼminlash maqsadida, Toshkent shahrida 4 sentabr kunidan boshlab avtobus yoʻnalishlari soni 167 taga yetkazildi hamda kunlik ishga chiqarilayotgan avtobuslar soni 1700 taga oshirildi, deyiladi xabarda.
