Shavkat Mirziyoyev Islom Karimov maqbarasini ziyorat qildi
Eslatib oʻtamiz, bu yil Islom Karimov vafotiga yetti yil toʻldi.
Prezident Shavkat Mirziyoyev 2 sentabr kuni Samarqand shahridagi Hazrati Xizr majmuasiga tashrif buyurib, Islom Karimov maqbarasini ziyorat qildi. Qabr poyiga gul qoʻyib, Birinchi Prezident xotirasiga hurmat bajo keltirdi, deyiladi matbuot xizmati xabarida.
Qurʼon oyatlari tilovat etilib, duo oʻqildi.
Davlat rahbarining 2017 yil 25 yanvardagi qaroriga muvofiq, Birinchi Prezident xotirasini abadiylashtirish boʻyicha bir qancha ishlar qilindi. Yurtimizdagi yirik majmualar, shaharlardagi markaziy koʻchalarga Islom Karimov nomi berildi. Toshkentda Islom Karimov nomidagi ilmiy-maʼrifiy yodgorlik majmuasi tashkil qilindi, Samarqandda maqbara barpo etildi.
Marosimda parlament va hukumat aʼzolari, jamoat tashkilotlari vakillari, mehnat faxriylari ishtirok etdi.
Tadbir yakunlangach, davlatimiz rahbari Toshkentga qaytib keldi.
Eslatib oʻtamiz, bu yil Islom Karimov vafotiga yetti yil toʻldi.