Madaniyat vaziri yana bir MChJ taʼsischilari orasida
Platina.uz nashri ushbu holatga izoh soʻrab, 2023 yil 15 avgustda Korrupsiyaga qarshi kurashish agentligiga soʻrov yuborgandi.
Ochiq maʼlumotlarga koʻra, Madaniyat vaziri Ozodbek Nazarbekov OHANGARON MO'JIZA BOG'I MChJning 40 foiz ulushiga egalik qilmoqda.
Platina.uz nashri ushbu holatga izoh soʻrab, 2023 yil 15 avgustda Korrupsiyaga qarshi kurashish agentligiga soʻrov yuborgan edi. Agentlik savolimizga 10 kundan keyin, 25 avgust kuni javob berishdi.
Rasmiy javobda aytilishicha, Ozodbek Nazarbekov OHANGARON MO'JIZA BOG'I MChJ taʼsischilari orasida yoʻq. Ammo orginfo portalida vazirning ismi taʼsischilar roʻyxatida hamon turibdi.
Platina.uz avvalroq Ozodbek Nazarbekovning “Koba sanʼat majmuasi” MChJning taʼsischisi ekani haqida yozgandi, bu rasman tasdiqlangan va agentlik vazirlikka taqdimnoma kiritgan edi.