Bosh prokuror oʻrinbosariga yangi vazifa yuklatildi
U 1990 yilda Xarkov yuridik institutini tamomlagan.
Bosh prokuror oʻrinbosari Samadov Salom Ismatovichga Huquqni muhofaza qilish akademiyasi boshligʻi lavozimini vaqtincha bajarish yuklatildi.
Salom Samadov shu yilning fevral oyida Qashqadaryo viloyati prokurori lavozimidan Bosh prokuror oʻrinbosarligiga tayinlangandi.
Salom Samadov 1963 yilda tugʻilgan, maʼlumoti oliy, huquqshunos. 1990 yilda Xarkov yuridik institutini tamomlagan.
Prokuratura organlaridagi ish faoliyatini 1990 yilda Buxoro viloyati Fayzullo Xoʻjayev tumani prokuraturasida boshlagan. Buxoro va Navoiy viloyatlari prokuraturalari organlarida turli lavozimlarda, 2005 yildan boshlab Bosh prokuratura boshqarma boshligʻi oʻrinbosari, Xatirchi va Karmana tumanlari prokurori, Buxoro viloyati va Qoraqalpogʻiston prokurori oʻrinbosari, Qoraqalpogʻiston prokurori, Oʻzbekiston prezidenti davlat maslahatchisining oʻrinbosari, birinchi oʻrinbosari lavozimlarida faoliyat yuritgan.
