Tojikistonda kuchli sel oqibatida 13 kishi halok boʻldi
Vahdatda 11 kishi, Rudakiy viloyatida 2 kishi qurbon boʻldi, deyiladi xabarda.
Tojikistonda 27 avgust kuni kuchli yogʻingarchilik oqibatida Vahdat shahri va Rudakiy tumanida 13 kishi halok boʻldi, deb xabar bermoqda Tojikiston Respublikasi prezidenti matbuot xizmati. Emomali Rahmon halok boʻlganlarning oila aʼzolariga hamdardlik bildirgan.
Taʼkidlanishicha, kuchli sel-toshqinlar sabab Vahdatda 11 kishi, Rudakiy viloyatida 2 kishi qurbon boʻldi, deyiladi xabarda.
Davlati rahbari, shuningdek, Bosh vazirga, Favqulodda vaziyatlar va fuqaro mudofaasi qoʻmitasiga, shuningdek, boshqa vakolatli organlarga halok boʻlganlarning oila aʼzolariga tez yordam koʻrsatish, favqulodda hodisa oqibatlarini bartaraf etish boʻyicha tezkor chora-tadbirlar koʻrish yuzasidan tegishli topshiriqlar berdi. .
Shuningdek, yakshanba kungi kuchli yogʻingarchilik Dushanbe-Xoʻjand yoʻlining ayrim qismlariga ham jiddiy zarar yetkazdi: u yerda sel, koʻchki va tosh qulashlar sodir boʻldi. Magistral yoʻlda harakat vaqtincha toʻxtatildi.
