Alisher Usmonov "Putinning sevimli oligarxi" iborasi tufayli sudlashdi

Avstriyaning Kurier gazetasi milliarder Alisher Usmonov laqabini ishlatib, uning huquqlarini buzganlikda aybdor deb topildi.

Aytilishicha, Germaniyaning Gamburg shahri sudi juma kuni rossiyalik oʻzbekistonlik milliarder va USM Holding asoschisi Alisher Usmonovning Avstriyaning Kurier gazetasiga qarshi daʼvosini qanoatlantirdi, deb xabar berdi EU Today sud hujjatlariga tayanib.

Hisobotga koʻra, 2023 yil avgustida chop etilgan “Rossiya oligarxlari: Putin urushlarini moliyalash va ulardan foyda olish” sarlavhali maqolasida gazeta Usmonovni “Putinning sevimli oligarxlaridan biri” deb atagan.

“Milliarder “Putinning sevimli oligarxi” degan obroʻga ega, bu unvon unga Putinning oʻzi tomonidan berilgan”, — deyiladi maqolada.

Sud Rossiya prezidentining maqolada aytilgan bayonoti haqida hech qanday ochiq manba topmadi. Gazetaning taʼkidlashicha, Usmonov oʻtgan yili Yevropa Ittifoqi tomonidan qoʻyilgan sanksiyalarni asoslashda xuddi shu ibora yordamida tasvirlangan. Biroq, sud maqoladagi iboradan foydalanish uchun ushbu asosni yetarli emas deb topdi.

Qarorda aytilishicha, bu ibora tuhmat va Usmonovning huquqlarini poymol qiladi va ommaviy axborot vositalarida undan foydalanish amalda taqiqlanadi.

“Kurier gazetasi Putin Usmonovni oʻzining “sevimli oligarxi” deb atagani haqidagi tuhmatli bayonotning toʻgʻriligini koʻrsata olmadi”, — deyiladi hujjatda.

Usmonov 2022 yil 28 fevralda, Rossiyaning Ukrainadagi harbiy amaliyoti boshlanganidan koʻp oʻtmay, Yevropa Ittifoqi sanksiyalariga kiritilgandi. Xabarlarga koʻra, u oʻshandan beri Yevropa Ittifoqi sudlarida oʻziga qarshi cheklovlarga eʼtiroz bildirgan.

Oʻtgan yilning kuzida mahalliy hukumat Usmonovning Germaniyadagi villalarida tintuv oʻtkazgan. Oʻshanda tintuvlar milliarderga soliq toʻlashdan boʻyin tovlash, pul yuvish va sanksiyalarni buzishda ayblovlar bilan bogʻliqligini xabar qilgan. Shu yilning may oyida Germaniya sudi tintuvlarni noqonuniy deb topdi.