Rossiyada pensioner ikki oʻzbekistonlikni qullikda ushlab turgani aniqlandi
Qayd etilishicha, qariya 71 yoshda boʻlib, Stavropol oʻlkasida yashagan.
Rossiyada pensioner ikki nafar Oʻzbekiston fuqarosini 20 ming rublga sotib olib, olti oy davomida oʻz fermasida ishlashga majbur qildi, deya yozadi Rossiya OAVlari.
Qayd etilishicha, qariya 71 yoshda boʻlib, Stavropol oʻlkasida yashagan.
2022 yil oxirida nafaqaxoʻr ikki doʻsti bilan Rossiyada noqonuniy yashab, qullikka aylangan 31 yoshli erkak va 27 yoshli ayolni nomaʼlum shaxslardan sotib olgan.
Muhojirlar Shpakovskiy munitsipal tumanidagi “Aviator” bogʻdorchilik shirkatida nafaqaxoʻrning dacha uyida ishlagan. Erkak oʻzbekistonliklarni tuman militsiyasi xodimi topguniga qadar taxminan olti oy ushlab turgan.
Natijada nafaqaxoʻr qonunga zid ravishda ozodlikdan mahrum qilish va noqonuniy migratsiya boʻyicha qoʻzgʻatilgan jinoyat ishida ayblanuvchiga aylandi. Erkak hibsga olinib, qamoqqa joʻnatildi. Uning sherigi uy qamogʻiga olingan. Nomaʼlum odam sotuvchilar qidirilmoqda.
