Toshkent metrosining ikki bekati yopilmoqda
“Turkiston-Yunusobod–Shahriston" metro bekatlari oraligʻida avtobuslar qoʻyiladi.
Metroning “Yunusobod” va “Turkiston” bekatlari rejali profilaktik ishlarni amalga oshirish maqsadida 26-avgustdan boshlab 4 oy muddatga yopiladi.
Yunusobod yoʻnalishidagi poyezdlar harakati “Shahriston” va “Ming Oʻrik” bekatlari oraligʻida odatiy tarzda harakatlanishi davom etadi.
Yoʻlovchilarga noqulaylik tugʻdirmaslik maqsadida, “Turkiston-Yunusobod–Shahriston" metro bekatlari oraligʻida bepul xizmat koʻrsatuvchi katta sigʻimli avtobuslar (metrobus) harakati yoʻlga qoʻyiladi.
Ushbu avtobuslarning kunlik ish vaqti tongi 06:00 dan tungi 00:00 ga qadar amalga oshiriladi.