Shavkat Mirziyoyev Vengriyaga boradi
Prezidentni Vengriya Bosh vaziri Viktor Orban taklif qildi.
Prezident Shavkat Mirziyoyev Vengriya Bosh vaziri Viktor Orbanning taklifiga binoan joriy yil 19-20 avgust kunlari amaliy tashrif bilan Budapesht shahriga boradi.
Tashrif dasturiga muvofiq, davlatimiz rahbari Vengriya Bosh vaziri bilan muzokara oʻtkazadi, unda mamlakatlarimiz oʻrtasidagi amaliy hamkorlikning dastur va loyihalarini ilgari surish masalalari koʻrib chiqiladi.
Oʻzbekiston Prezidenti faxriy mehmon sifatida Vengriya davlat bayrami – avliyo Ishtvan kuniga bagʻishlangan tadbirlarda ishtirok etadi hamda Budapeshtda oʻtayotgan yengil atletika boʻyicha jahon chempionatining erkaklar oʻrtasidagi yugurish musobaqalari finaliga tashrif buyuradi.
Eslatib oʻtamiz, 2022 yil oktabrda ham Mirziyoyev ushbu davlatga borgandi.
