AQSh va Shimoliy Koreya rahbarlari yuzma-yuz uchrashishi mumkin
Eslatib oʻtamiz, Kim Chen In AQShning avvalgi prezidenti Donald Tramp bilan uch marta uchrashgan.
Oq uy Milliy xavfsizlik kengashining strategik aloqalar boʻyicha koordinatori Jon Kirbi Yaponiyaning Kyodo News agentligiga bergan intervyusida AQSh prezidenti Jo Bayden Kim Chen In bilan "oldindan hech qanday shartlarsiz” uchrashishga tayyorligini aytdi.
“Biz Shimoliy Koreya bilan hech qanday shartlarsiz muzokaralar stoliga oʻtirishga tayyormiz”, — dedi Kirbi.
Uning qoʻshimcha qilishicha, KXDR hozircha taklifga ijobiy javob bermagan.
Avvalroq, Shimoliy Koreya mudofaa vaziri Koreya yarimorolida yadro urushi boʻlishi aniqligini haqida keskin bayonot bergandi.
Eslatib oʻtamiz, Kim Chen In AQShning avvalgi prezidenti Donald Tramp bilan uch marta uchrashgan. Ushbu uchrashuvlardan biri hatto ikki Koreya chegarasida boʻlib oʻtgan.
Jo Bayden hokimiyatga kelgach oʻzaro munosabatlar yanada keskinlashdi.