Xayrullo Bozorov koʻl, kanal va musiqali favvora qurish uchun 8,5 mlrd. soʻm ajratdi
Bu boʻyicha hokimning farmoyishi eʼlon qilindi.
Fargʻona viloyati hokimi Xayrullo Bozorov viloyat markazida qurilayotgan "Yangi Oʻzbekiston" massivi hududida koʻl, kanal va musiqali favvora qurilishi uchun 8,5 mlrd soʻm , hududni obodonlashtirish va yoritish maqsadida jami 3 mlrd. soʻm mablagʻ ajratdi. Bu boʻyicha hokimning farmoyishi eʼlon qilingan.
Ushbu ishlar respublika byudjetidan ajratilgan ssuda mablagʻlari evaziga amalga oshirilishi belgilangan.
Shuningdek, Fargʻona shahrida barpo etilayotgan "Eko shahar" hududi va shahar markaziy koʻchalarini koʻkalamzorlashtirish maqsadida mavsumiy gullar va manzarali daraxtlar sotib olish uchun 1 mlrd. soʻm ajratiladi.
Avvalroq Toshkent shahar hokimi Shavkat Umrzoqov 2 ta alohida loyihaga davlat byudjetidan jami 3 mlrd. soʻmdan ortiq pul ajratgani maʼlum boʻlgandi.
