Toshkent viloyati goʻsht yetishtirish boʻyicha Qashqadaryodan oʻzib ketdi

Toshkent viloyati goʻsht yetishtirish hajmi boʻyicha Qashqadaryo viloyatidan oʻzib, respublikada birinchi oʻrinni egalladi. Statistika agentligining dastlabki maʼlumotlariga koʻra, 2023 yilning yanvar-iyun oylarida Oʻzbekistonda barcha toifadagi xoʻjaliklar tomonidan qariyb 1,3 mln tonna goʻsht yetishtirilgan.

Bu koʻrsatkich 2022 yilning mos davri bilan solishtirganda 3,8 foizga oshgan.

Hududlar kesimida goʻsht yetishtirish hajmi:

— Toshkent viloyati – 153,3 ming tonna

— Qashqadaryo viloyati – 146,5 ming tonna

— Samarqand viloyati – 145,1 ming tonna

— Buxoro viloyati – 134 ming tonna

— Xorazm viloyati – 97,2 ming tonna

— Jizzax viloyati – 92,5 ming tonna

— Surxondaryo viloyati – 91,8 ming tonna

— Fargʻona viloyati – 88,9 ming tonna

— Navoiy viloyati – 81,4 ming tonna

— Andijon viloyati – 81,1 ming tonna

— Namangan viloyati – 79,2 ming tonna

— Qoraqalpogʻiston R. – 41,9 ming tonna

— Sirdaryo viloyati – 34,6 ming tonna

Taʼkidlash joizki, 2022 yilda Qashqadaryo viloyatida 315,7 ming tonna goʻsht yetishtirilgandi (1-oʻrin). Toshkent viloyatida esa oʻtgan yili 283 ming tonnadan ziyod mahsulot olingan.