Harbiy sud va qator viloyat sudlariga yangi raislar tayinlandi
Shuningdek, ayrim sudyalar ishdan olindi.
Oʻzbekiston Respublikasi Prezidentining farmoyishi bilan harbiy sud, ayrim viloyat sudlariga raislar tayinlandi. Jumladan:
Sadriddin Bavabekovich Eshankulov - sudyalik vakolati muddati davriga Oʻzbekiston Respublikasi Harbiy sudining raisi lavozimiga;
Abduxalim Abduraimovich Axmedov – sudyalik vakolati muddati davriga Buxoro viloyat maʼmuriy sudining raisi lavozimiga;
Turabek Abdurovubovich Qodirqulov - sudyalik vakolati muddati davrining besh yil muddatiga Sirdaryo viloyat maʼmuriy sudining raisi lavozimiga;
Gʻolibjon Sayitjonovich Davlatov – sudyalik vakolati muddati davriga Qashqadaryo viloyat maʼmuriy sudining raisi lavozimiga;
Alisher Abdurashidovich Abduraxmanov – sudyalik vakolati muddati davrining besh yil muddatiga Fargʻona viloyat sudi raisining oʻrinbosari – iqtisodiy ishlar boʻyicha sudlov hayʼati raisi lavozimiga tayinlandi
Oʻzbekiston Prezidentining farmoyishi bilan yozma arizalariga asosan, Buxoro viloyat maʼmuriy sudining raisi S. Tursunov va Fargʻona viloyat sudi raisining oʻrinbosari – iqtisodiy ishlar boʻyicha sudlov hayʼati raisi A. Madaminov egallab turgan lavozimlaridan ozod etildi.