Shavkat Umrzoqov "Maxsustrans" rahbarini jazoga tortdi
Bu boʻyicha poytaxt hokimining farmoyishi eʼlon qilindi.
Toshkent shahar hokimi vazifasini bajaruvchi Shavkat Umrzoqovning farmoyishi bilan "Maxsustrans" rahbari Kamoliddin Nabiyevga hayfsan intizomiy jazosi berildi.
Bunga uning qattiq maishiy chiqindilarni toʻplash va olib ketish boʻyicha topshiriqlar ijrosida sustkashlikka yoʻl qoʻygani sabab qilib keltirilgan.
Eslatib oʻtamiz, kecha 8 avgust kuni poytaxt hokimining qarori bilan Toshkent shahridagi qabristonlarda qabr qazish va marosim xizmatlari uchun pullik xizmatlar koʻrsatish tariflari belgilangandi.