Rus kompaniyasi Oʻzbekiston korxonasidan $2,1 million talab qilmoqda
Kurgan yoʻl mashinasozligi zavodining daʼvo arizasi arbitraj sudiga 2021 yil 26 fevraldagi kelishuvga asosan berilgan.
Rossiyaning Kurgan viloyati arbitraj sudi saytida yoʻl va kommunal texnika ishlab chiqaruvchi “Qurgandormash” kompaniyasining Oʻzbekistondan UzAutoTrailer kompaniyasiga mahsulot yetkazib berganlik uchun 196 million rubl (2,1 mln dollar) undirish talabi haqida maʼlumot joylashtirilgan.
Kurgan yoʻl mashinasozligi zavodining daʼvo arizasi arbitraj sudiga 2021 yil 26 fevraldagi kelishuvga asosan berilgan. Qarz miqdori 175 984 840 rublni tashkil etadi, shuningdek, tovarni toʻlash boʻyicha majburiyatlar bajarilgunga qadar hisob-kitoblarni davom ettirish bilan 19 962 413 rubl miqdorida hisoblangan foizlar ham mavjud.
Bundan tashqari, "Kurgandormash" davlat bojini toʻlash xarajatlarini qoplashni talab qiladi.
Agentlik insayderlari bu daʼvo yoʻl texnikasi yetkazib berish bilan bogʻliq deb hisoblamoqda.
“UzAutoTrailer” MChJ 2012 yilda tashkil etilgan boʻlib, Samarqand viloyatining Jomboy tumanida joylashgan. Korxona avtomobil tirkamalari va osma uskunalar ishlab chiqarishga ixtisoslashgan.