Turkiya migrantlar uchun fuqarolik olishni qiyinlashtirmoqchi
Eslatib oʻtamiz, Turkiya eng koʻp oʻzbek muhojirlar ishlaydigan davlatlardan biri sanaladi.
Turkiya Yevrointegratsiyasiga yaqinlashish maqsadida fuqarolik qonunchiligini kuchaytirib, fuqarolik olishni murakkablashtirishni rejalashtirmoqda. Bu haqda Hurriyet nashri xabar berdi.
Nashrning yozishicha, hozirdanoq muhojir va qochqinlarga Turkiya fuqaroligini berishni qiyinlashtirishga harakat qilinmoqda, bu ayniqsa Suriyadan kelganlarga tegishli.
Maʼlum qilinishicha, Turkiya va Yevropa Ittifoqi oʻrtasida vizasiz rejim joriy etilishiga eng jiddiy toʻsiq bu qochqinlar masalasidir.
Turkiyaning Yevropa Ittifoqi bilan viza rejimini oʻrnatishi uchun boshqa shartlar ham bor. Bular Shvetsiyaning NATOga qoʻshilishi haqidagi protokolni ratifikatsiya qilish, soʻz erkinligini taʼminlash, shuningdek, Turkiya orqali Yevropaga oʻtmoqchi boʻlgan suriyaliklarga yashash sharoitlari yaratib berishdir.
Eslatib oʻtamiz, Turkiya eng koʻp oʻzbek muhojirlar ishlaydigan davlatlardan biri sanaladi. Ayrim hisob-kitoblarga koʻra, millionga yaqin oʻzbekistonlik ushbu davlatda yashaydi va ishlaydi.