"Tashabbusli byudjet"ning 2-mavsumi qachon boshlanishi maʼlum boʻldi
Birinchi mavsum 2023 yil aprel oyida yakunlangandi.
"Tashabbusli byudjet" jarayonining joriy yilgi 2-mavsumi 17 iyuldan boshlanadi.
Bu mavsum uchun tuman (shahar) byudjetlari hisobidan 1 trln. soʻmdan ortiq mablagʻ yoʻnaltirilishi kutilmoqda. Bu haqda Iqtisodiyot va moliya vazirligi xabar berdi.
- 1-bosqich — fuqarolar tomonidan loyihalarni shakllantirish jarayonlari 17 iyuldan 6 avgustgacha;
- 2-bosqich — loyihalarni maxsus komissiya tomonidan saralab olish jarayonlari 6 avgustdan 26 avgustgacha;
- 3️-bosqich — loyihalarga ovoz berish jarayonlari 26 avgustdan 15 sentabrgacha oʻtkaziladi.
Eslatib oʻtamiz, “Tashabbusli byudjet” loyihasining 2023 yil 1-mavsumi aprel oyida yakunlangandi. Unda Oʻzbekiston boʻylab “Open Budjet” portali orqali 33 680 ta tashabbus uchun 16 milliondan ortiq ovoz berildi va 1666 ta loyiha gʻolib deb topildi.