Ochiq byudjet portali ishga tushgan kun

Platina.uz 12 iyul sanasi bilan bogʻliq muhim voqeliklarni jamladi.

Butunjahon bort kuzatuvchilari kuni.

Voqealar

• 1776 yil – Kapitan Jeyms Kuk uchinchi sayohatini boshladi.
• 1862 yil – "Shon-sharaf" medali AQSh Kongressi tomonidan tasdiqlangan.
• 1886 yil – Rossiya imperatori Aleksandr III tomonidan yangi «Turkiston oʻlkasini idora qilish toʻgʻrisidagi Nizom» tasdiqlandi. Mazkur Nizomning asosiy maqsadi oʻlkada maʼmuriy boshqaruvni mustahkamlash va yerdan foydalanish tartiblarini oʻzgartirishdan iborat boʻlgan. Nizomga muvofiq Zarafshon okrugi Samarqand viloyatiga aylantirildi. Xoʻjand, Jizzax, Kattaqoʻrgʻon, Samarqand uyezdlari uning tarkibiga kiritildi. Qurama uyezdining nomi Toshkent uyezdi deb oʻzgartirildi.
• 1918 yil – sovet armiyasi uchun harbiy mutaxassislar tayyorlash maqsadida Toshkentda Turkiston sovet komandirlari kursi (hozirgi Toshkent oliy umumqoʻshin qoʻmondonlik bilim yurti) ochildi. Maʼlumot oʻrnida qayd etish joizki, bu kurs 1919 yili Turkiston harbiy instruktorlar maktabi deb oʻzgartirilgan. 1922 yildan Turkiston komandirlar tarkibini tayyorlaydigan birlashgan maktab, 1943 yildan Toshkent piyoda askarlar bilim yurti nomi bilan yuritilgan ushbu bilim yurti 1958 yildan Umumqoʻshin komandirlari oliy bilim yurti deb nomlangan.
• 1926 yil – Oʻzbekistonda kutubxonachilik ishini yaxshilash maqsadida mahalliy kutubxona xodimlarining birinchi Butun Oʻzbekiston qurultoyi chaqirildi. Qurultoyda siyosiy-maorif muassasalari boʻlgan kutubxonalar ishini yaxshilash, kutubxonalarni ommabop muassasalarga aylantirish yuzasidan bir qator tadbirlar belgilandi. Tarixchi Matluba Toʻrayevaning qayd etishicha, qurultoydan keyin asosiy eʼtibor respublikada kutubxonalar sonini oshirishga qaratildi.
• 1941 yil – Ikkinchi jahon urushi davrida Oʻzbekiston hukumati qurol-yarogʻ tayyorlash uchun tayyor mis qozon, mis oftoba va boshqa mis buyumlarni topshirish toʻgʻrisidagi qarorni qabul qildi. Bu qarorga javoban, masalan, Buxoro viloyati Ijroiya qoʻmitasi 19 iyulda «Mis qozonlarni yigʻish toʻgʻrisida» qarorni imzoladi.
• Maʼlumot oʻrnida qayd etish joizki, sobiq ittifoqda yuzaga kelgan vaziyatni inobatga olgan holda 1941 yil 5 iyulda Davlat mudofaa qoʻmitasi raisi Iosif Stalin Oʻzbekiston rahbari Usmon Yusupovga va hukumat raisi Abdujabbor Abdurahmonovga front ehtiyojlari uchun mis topshirish toʻgʻrisida topshiriq bergan edi.
• 1988 yil – Togʻli Qorabogʻ mintaqaviy kengashi mintaqaning Ozarbayjon tarkibidan chiqishini eʼlon qildi.
• Jahon kubogi finali 1998 yil: Parijda fransuz jamoasi Braziliya terma jamoasini 3:0 hisobida magʻlub etdi va birinchi marta jahon chempioni boʻldi.
• 2009 yil – Dalya Gribauskayte birinchi marta Litva prezidenti boʻldi.
• 2011 yil – Neptun 1846 yilda sayyora kashf etilganidan beri Quyosh atrofida birinchi toʻliq orbitasini yakunladi.
• 2012 yil – Suriyadagi fuqarolar urushi: hukumat kuchlari Tremsehdagi isyonchilar va faollarning uylarini nishonga oldi va 68 dan 150 gacha odamni oʻldirdi.
• 2021 yil – Yevropada suv toshqinlari boshlandi, 190 dan ortiq odam, shu jumladan, Germaniyada 150 dan ortiq odam halok boʻldi.
• Oʻzbekistonda «Ochiq byudjet» portali ishga tushdi.
• 2022 yil – AQSh dollari 2002 yil dekabridan beri birinchi marta yevro bilan paritetga erishdi.

Tavalludlar

• 1878 yil – maʼrifatparvar shoir, dramaturg, jurnalist, olim, davlat va jamoat arbobi Abdulla Avloniy;
• 1977 yil — Surxondaryo viloyati Muzrabot tumani hokimi Ismailov Abdurashid;
• 1979 yil — oʻzbek davlat arbobi, 2021 yildan Energetika vazirining birinchi oʻrinbosari Azim Ahmadxoʻjayev;
• 1988 yil — oʻzbek shaxmatchisi, grossmeyster Joʻrabek Hamraqulov.