“Tolibon” Shvetsiyadan uzr soʻrashni talab qilib chiqdi
Bundan tashqari, Afgʻoniston islom davlatlarini Shvetsiya bilan oʻzaro munosabatlarini qayta koʻrib chiqishga chaqirdi.
Afgʻonistonda hukmron “Tolibon” harakati Shvetsiyaga aloqador tashkilotlarning Afgʻonistondagi faoliyatini Stokgolmda Qurʼon yoqib yuborilgani sababli toʻxtatdi.
Bu haqda madaniyat vazirligi vakili bayonotida aytiladi.
“Islom amirligi Shvetsiyada Qurʼoni Karim va musulmonlar eʼtiqodini haqorat qilganidan soʻng Shvetsiyaning Afgʻonistonga bogʻliq har qanday faoliyatini toʻxtatib qoʻydi”, — deyiladi xabarda.
Choralar Shvetsiya tomoni “bu jirkanch harakat” uchun musulmonlardan kechirim soʻramaguncha oʻz kuchida qoladi.
Tegishli afgʻon tashkilotlariga "Tolibon" buyrugʻini bajarish topshirildi. Bundan tashqari, Afgʻoniston islom davlatlarini Shvetsiya bilan oʻzaro munosabatlarini qayta koʻrib chiqishga chaqirdi.
Eslatib oʻtamiz, iyun oyi oxirida Stokgolmda asli iroqlik 37 yoshli Salvan Momika Qurʼonni yoqib yuborgandi.