Oʻzbekistonda Prezident saylovi boshlandi
Prezidentlik uchun 4 nafar nomzod daʼvogarlik qilmoqda.
Bugundan Oʻzbekistonda navbatdan tashqari prezident saylovida ovoz berish boshlandi, Toshkent vaqti bilan soat sakkizda saylov uchastkalari ochildi.
Prezidentlik uchun 4 nafar nomzod daʼvogarlik qilmoqda.
MSK maʼlumotlariga koʻra, saylovchilar roʻyxatiga 19,5 milliondan ortiq kishi kiritilgan, 14 ta okrug saylov komissiyalari tuzilgan, 10 784 ta saylov uchastkasi tashkil etilgan.
Fuqarolar xorijda ham ovoz berishlari mumkin – 39 ta davlatda 56 ta statsionar saylov uchastkasi ochilgan. Ovoz berish 9 iyul kuni soat 20:00gacha davom etadi.
Markaziy saylov komissiyasi roʻyxatga olgan nomzodlar:
— Ekologik partiyadan Abdushukur Xamzayev (Markaziy kengash ijroiya qoʻmitasi raisi);
— Xalq demokratik partiyasidan Ulugʻbek Inoyatov (Markaziy kengash raisi);
— "Adolat" SD partiyasidan Roba Mahmudova (Oliy sud raisi oʻrinbosari);
— O‘zLiDeP partiyasidan Shavkat Mirziyoyev (amaldagi prezident);
"Milliy tiklanish" partiyasidan nomzod koʻrsatilmaydi, ular Shavkat Mirziyoyevni qoʻllab-quvvatlaydi.
