Yer yuzida maʼlum boʻlgan barcha kimyoviy qurollar yoʻq qilindi
Kimyoviy qurollar toʻgʻrisidagi konvensiya 1997 yil 29 aprelda kuchga kirgandi.
Kimyoviy qurollarni taqiqlash tashkiloti bosh direktori Fernando Arias AQSh kimyoviy qurollari arsenali yoʻq qilinganini eʼlon qildi. Natijada Yer yuzida aniqlangan barcha kimyoviy qurollar toʻliq yoʻq qilingan.
Bu haqda tashkilot saytida xabar berildi.
Bayonotda Arias Kimyoviy qurollar boʻyicha konvensiyaning barcha ishtirokchi-davlatlarini va Qoʻshma Shtatlarni xalqaro hamjamiyatning bunday katta yutugʻi bilan tabrikladi.
“Barcha eʼlon qilingan kimyoviy qurol zaxiralarini yoʻq qilishning yakunlanishi tashkilot uchun muhim bosqichdir. Bu barcha yashirin kimyoviy qurollarni yoʻq qilish yoʻlidagi muhim qadamdir", dedi Arias.
Kimyoviy qurollar toʻgʻrisidagi konvensiya 1997 yil 29 aprelda kuchga kirdi. AQSh va konvensiyani imzolagan boshqa davlatlar kimyoviy qurol zaxiralarini 2023 yil 30 sentabrgacha yoʻq qilishlari shart edi. Rossiya 2017 yilning 27 sentabr kuni barcha kimyoviy qurollarini butunlay yoʻq qilganini maʼlum qilgan.