Gulnora Karimova tugʻilgan kun

Platina.uz 8 iyul sanasi bilan bogʻliq muhim voqeliklarni jamladi.

• Butunjahon okeanlar kuni.
• Butunjahon allergiya kuni.

Oʻzbekistonda sukunat kuni. Saylov kodeksining tegishli moddalariga koʻra saylov kuni va ovoz berish kuniga bir kun qolganda tashviqotga yoʻl qoʻyilmaydi.

Voqealar

• 1497 yil – Vasko da Gama boshchiligidagi birinchi dengiz ekspeditsiyasi Yevropa(Lissabon)dan Hindistonga suzib ketdi.
• 1796 yil – AQSh davlat departamenti birinchi AQSh fuqarosi pasportini berdi.
• 1918 yil – Kiyevda Ukraina davlat senati tashkil etildi.
• 1922 yil – dunyoda birinchi marta sobiq Xodinka aerodromida (uchuvchi N.P.Ilzin) qishloq xoʻjaligi zararkunandalariga qarshi kurashda aviatsiyadan foydalanish boʻyicha tajribalar oʻtkazildi.
• 1941 yil – Samarqand Olimlar uyida shahar ilmiy xodimlarining umumiy yigʻilishi chaqirildi. Yigʻilish “Olimlarning butun kuchi front xizmatiga” degan shoir ostida oʻtdi.
• 1944 yil – sobiq SSSR oliy kengashi prezidiumining farmoni bilan “Qahramon ona” faxriy unvoni joriy etildi hamda “Ona shuhrati” ordeni va “Onalik medali” medali taʼsis etildi.
• 1980 yil – Olma-Otada Tu-154 halokatga uchradi. 166 kishi halok boʻldi – bu Qozogʻiston tarixidagi eng yirik aviahalokat.
• 1994 yil – Kim Ir Senning vafoti munosabati bilan KXDR prezidenti lavozimi tugatildi va amaldagi yetakchi Kim Chen Ir uchun KXDR buyuk yoʻlboshchisi lavozimi oʻrnatildi.
• Oʻzbekiston va Kuvayt oʻrtasida diplomatik munosabatlar oʻrnatildi.
• 2020 yil – Oʻzbekiston Respublikasining “Ov qilish va ovchilik xoʻjaligi toʻgʻrisida”gi qonuni qabul qilindi. Ushbu qonunning maqsadi ov qilish va ovchilik xoʻjaligi sohasidagi munosabatlarni tartibga solishdan iborat. U 7 bob, 43 moddadan iborat. Uning ilovalarida yovvoyi hayvonlarni tutish uchun toʻlovlar miqdorlari va Oʻzbekistonda ov qilish muddatlari ham qayd etilgan.
• 2022 yil – Yaponiyada sobiq bosh vazir Sindzo Abe saylovoldi tashviqoti chogʻida oʻldirildi.

Tavalludlar

• 1912 yil — mexanika sohasidagi olima, Oʻzbekiston Fanlar akademiyasi akademigi, texnika fanlari doktori, professor Maqsuda Hojinova;
• 1952 yil — Oʻzbekiston xalq shoiri, senator Mahmud Toir;
• 1972 yil — Oʻzbekistonning birinchi prezidenti Islom Karimovning toʻngʻich qizi Gulnora Karimova;
• 1985 yil — Oʻzbekiston milliy futbol terma jamoasi va Bunyodkor jamoasi yarim himoyachisi Azizbek Haydarov;
• 1994 yil — ogʻir vazn toifasida professional bokschi, xalqaro toifadagi sport ustasi Bahodir Jalolov.