Rossiyadagi YTHda oʻzbekistonliklar ham qurbon boʻldi
Honda Stepwgn mikroavtobusi va Hyundai Elantra oʻzaro toʻqnashib ketgan.
Rossiyaning Samara viloyatida sodir boʻlgan toʻqnashuvda Oʻzbekiston fuqarolari halok boʻlgan.
RIA "Novosti" maʼlumotiga koʻra, hodisa 27 iyun kuni Toshkent vaqti bilan 02:30 da sodir boʻlgan. Honda Stepwgn mikroavtobusi va Hyundai Elantra oʻzaro toʻqnashib ketgan.
Hodisa oqibatida olti kishi halok boʻldi, yana sakkiz kishi eng yaqin shifoxonaga yotqizildi.
Hodisa oqibatida halok boʻlganlar va jarohatlanganlar ichida Oʻzbekiston fuqarolaridan tashqari qirgʻizistonliklar ham boʻlgan. Prokuratura avtohalokat yuzasidan tekshiruv boshladi.
Taxminlarga koʻra, YTH Hyundai haydovchisi aybi bilan sodir boʻlgan. U qarama-qarshi yoʻlga chiqib ketgan va toʻqnashuvni keltirib chiqargan.
