Erdoʻgʻonning ashaddiy raqibi juda uzoq muddatga qamalishi mumkin
Daʼvolarning aksariyati amaldagi prezident Erdoʻgʻonni haqorat qilish bilan bogʻliq.
2023 yilgi Turkiya prezidentlik saylovlarida ishtirok etgan muxolifatdagi Jumhuriyat Xalq partiyasi yetakchisi Kamol Qilichdoroʻgʻli qamalishi mumkin. U oʻziga qarshi ochilgan 28 ta daʼvo boʻyicha tergov doirasida hibsga olinishi mumkin, deb xabar berdi Cumhuriyet telekanali.
Telekanal axborotiga koʻra, Kilichdoroʻgʻlu prezidentlikka nomzodini qoʻygani uchun bir vaqtning oʻzida boʻlib oʻtayotgan parlament saylovlarida qatnasha olmagan va deputatlik daxlsizligidan mahrum boʻlgan.
Agar hamma ayblovlar boʻyicha jazo tayinlansa, Kilichdarogʻlu jami 110 yilgacha qamoq jazosiga hukm qilinadi. Daʼvolarning aksariyati amaldagi prezident Erdoʻgʻonni haqorat qilish bilan bogʻliq. Xususan, Qilichdoroʻgʻli raqibini Muammar Kaddafi va Saddam Husayn kabi diktatorlarga mengzagandi.
Shu bilan birga, baʼzi turk siyosatchilarining fikricha muxolifat yetakchisining javobgarlikka tortilishi dargumon, chunki bu mamlakatdagi siyosiy vaziyatning beqarorlashishiga olib kelishi mumkin.
Saylovning ikkinchi turida Qilichdoroʻgʻli qariyb 48 foiz ovoz toʻplaganiyoq uning mamlakatda tarafdorlari anchaligidan dalolat beradi.
