Shavkat Mirziyoyevning Eronga tashrifi boshlandi
Oʻzbekiston rahbarini Eron prezidenti Ibrohim Raisiy kutib oldi.
Tehrondagi “Saadobod” majmuasining “Jumhuri” saroyida Eronga rasmiy tashrif bilan borgan Oʻzbekiston prezidenti Shavkat Mirziyoyev rasman kutib olindi.
Oʻzbekiston rahbarini Eron prezidenti Ibrohim Raisiy kutib oldi.
Saroy oldidagi maydonda mehmon sharafiga faxriy qorovul saf tortdi. Oʻzbekiston va Eron davlat bayroqlari koʻtarildi. Harbiy orkestr ikki mamlakat madhiyalarini ijro etdi.
Prezidentlar faxriy qorovul safi oldidan oʻtib, rasmiy delegatsiyalar aʼzolarini qutladilar.
Hozir ularning tor doiradagi uchrashuvi boshlandi.
