Yevropa millatlar ligasi: finalchilar aniq

Niderlandiyada Yevropa millatlar ligasining yarim final uchrashuvlari yakunlandi va finalchilar nomi maʼlum boʻldi.

Birinchi juftlikda Niderlandiya va Xorvatiya futbol muxlislariga drama qoʻyib berishdi. Asosiy vaqtlar 2:2 hisobida tugab, qoʻshimcha vaqtlarda xorvatlar 2 ta gol urib ketishdi.

Ispaniya va Italiya oʻrtasidagi ikkinchi oʻyin esa murosasiz kechdi. Ispanlarning bir goliga italyanlar penaltidan javob qaytargan boʻlsa, 88-daqiqada Xoseluning gol Ispaniyani finalga olib chiqdi.

Shu tariqa 18 iyun kuni Xorvatiya va Ispaniya finalda oʻynaydi. Niderlandiya va Italiya esa 3-oʻrin uchun kurash olib boradi.

Millatlar ligasi, yarim final

Niderlandiya - Xorvatiya - 2:4
Gollar: Doniell Malen, 34 (1:0). Andrey Kramarich, 55 pen. (1:1). Mario Pashalich, 72 (1:2). Noa Lang, 90+6 (2:2). Bruno Petkovich, 98 (2:3). Luka Modrich, 116 pen. (2:4).

Ispaniya - Italiya - 2:1
Gollar: Yeremi Pino, 3 (1:0). Chiro Immobile, 11 pen. (1:1). Xoselu, 88 (2:1).