Bugun tunda yoshlar oʻrtasidagi JCh gʻolibi aniqlanadi
Uchrashuv Toshkent vaqti bilan soat 02:00 da boshlanadi.
Argentina yashil maydonlarida oʻtayotgan 20 yoshgacha boʻlgan futbolchilar oʻrtasidagi jahon chempionati yakunlanmoqda.
Bugun tunda final bellashuvida Urugvay va Italiya terma jamoalari bosh sovrin uchun maydonga chiqadi. Gʻolib JCh-2023 bosh sovriniga ega boʻladi.
Bu oʻyindan oldin esa 3-oʻrin uchun bahsida Isroil va Janubiy Koreya toʻqnash keladi. Bellashuv Toshkent vaqti bilan soat 22:30 da boshlanadi.
Maʼlumot uchun, har ikkala oʻyin UzReport TV orqali toʻgʻridan-toʻgʻri olib beriladi.