Shavkat Mirziyoyev Italiyaga yetib bordi
Tashrifning asosiy voqealari 8-9 iyun kunlari boʻlib oʻtadi.
Bugun prezident Shavkat Mirziyoyev Italiyaga yetib bordi. Uni xalqaro aeroportda Italiya mudofaa vaziri Gvido Krozetto kutib oldi.
Shu tariqa Mirziyoyev oʻzi uchun ajratilgan qarorgohga yoʻl oldi. Tashrifning asosiy voqealari 8-9 iyun kunlari boʻlib oʻtadi.
Xususan, Rim shahrida Shavkat Mirziyoyev prezident Serjo Mattarrella va bosh vazir Jorja Meloni bilan muzokaralar oʻtkazadi.
Bosh qarorgohi Italiya poytaxtida joylashgan Birlashgan Millatlar Oziq-ovqat va qishloq xoʻjaligi tashkiloti bosh direktori Syuy Dunʼyuy bilan uchrashuv oʻtkazadi. Oziq-ovqat xavfsizligini taʼminlash sohasidagi hamkorlikning muhim jihatlari muhokama qilinishi rejalashtirilgan.
Tashrifning ishbilarmonlik dasturi Milan shahrida boʻlib oʻtadi — Oʻzbekiston prezidenti Lombardiya provinsiyasi gubernatorini qabul qiladi hamda Italiyaning yetakchi kompaniya va tashkilotlari rahbarlari bilan uchrashuv oʻtkazadi.