Samarqandda qizcha 4-qavatdan tushib ketdi
Oʻsha atrofda aylanib yurgan 11-sinf bitiruvchilari qizchaning hayotini saqlab qolishgan.
1 iyun kuni Samarqand shahridagi koʻp qavatli uyning 4-qavatida bir qizcha boshi panjara orasiga tiqilib, tanasi havoda osilib qolgan.
Oʻsha atrofda aylanib yurgan 11-sinfning 4 nafar bitiruvchisi qizchaning hayotini saqlab qolishgan. Oʻquvchilardan biri darhol qizaloqning ota-onasiga xabar berishga ketgan, qolganlari balkon ostida qoʻllari bilan qutqaruv panjarasini yasagan.
Qizaloq pastga qulagan, yigitlar uni tutib olishgan. Aniqlanishicha, onasi uy ishlari bilan ovora boʻlib, bolasiga qaramagan.
