Endi Toshkentdan Chorvoqqa avtobusda borish mumkin
Avtobuslar Mashinasozlar metrosidan soat 7:00, 13:00 va 18:00 da joʻnaydi. Chorvoqdan esa 6:00, 11:00 va 16:00 harakatlanadi.
Toshkent viloyatiga keluvchi xorijiy va mahalliy sayyohlarga qoʻshimcha qulayliklar yaratish maqsadida poytaxtdan Toshkent viloyatining Boʻstonliq tumaniga ("Chorvoq" erkin turistik zonasiga) avtobuslar harakati yoʻlga qoʻyilgan.
Avtobuslar "Mashinasozlar metro bekati – Chorvoq" yoʻnalishida har kuni uchta grafik asosida harakatlanadi. Qatnov masofasi 75 km. boʻlgan yoʻnalishda yoʻlovchilar belgilangan manzilga 1 soat 10 daqiqada yetib boradi.
Avtobuslar Mashinasozlar metrosidan soat 7:00, 13:00 va 18:00 da joʻnaydi. Chorvoqdan esa 6:00, 11:00 va 16:00 harakatlanadi.
Yoʻl narxi 15 000 soʻm etib belgilangan.