Buxoroda 6 hokim qattiq ogohlantirildi
Ularning jazolanishiga Hisob palatasining 2023 yil 2 iyundagi xati asos boʻlgan.
Buxoro viloyati hokimi imzolagan hujjat bilan 6 tuman/shahar hokimi qattiq ogohlantirilgan.
Hujjatga koʻra, Buxoro shahar hokimi J.Nosirov, Kogon shahar hokimi D.Davlatov, Olot tumani hokimi N.Nematova, Shofirkon tumani hokimi A.Fayzilloyev, Qorakoʻl tumani hokimi X.Toxirov, Peshku tumani hokimi V.Qaxxorov qattiq ogohlantirilgan.
Aytilishicha, ular tadbirkorlar, aholi xonadonlari va ijtimoiy obʼektlarda quyosh panellari oʻrnatish boʻyicha belgilangan vazifalarning bajarilishini taʼminlashda oqsoqlikka yoʻl qoʻygan.
Ularning jazolanishiga Hisob palatasining 2023 yil 2 iyundagi xati asos boʻlgan.
Shuningdek, 2023 yil 1 iyulgacha shu hokimlar tomonidan belgilangan koʻrsatkichlar ijrosi taʼminlanmagan taqdirda ularga nisbatan belgilangan tartibda intizomiy jazo choralari qoʻllanilishi belgilangan.