Qoraqalpogʻistondagi namoyishchilar ishi boʻyicha qayta sud yakunlandi
Jinoyat ishi doirasida 8 kishiga qoʻllangan jazo oʻzgartirildi.
Bugun Oliy sudda Nukus shahrida sodir etilgan ommaviy tartibsizliklarga oid sud hukmi oʻqib eshittirildi.
Oliy sudning 2023 yil 5 iyundagi ajrimiga muvofiq Qoraqalpogʻiston Respublikasi sudining hukmi quyidagicha oʻzgartirildi:
B. Kadirbergenov, S. Medetov, B. Seytniyazov, Q. Seytimov, P. Nurniyazov, S. Kalimov, N. Sultamuratov, A. Temirxanov va ularning himoyachilari tomonidan berilgan shikoyatlar qanoatlantirildi.
Birinchi instansiya sudi hukmining L. Kallыxanova, A. Turdanov, A. Smetullayev va A. Nuratdinovga oid qismiga nisbatan keltirilgan prokuror protesti rad qilinib, ularga tayinlangan jazolar oʻzgarishsiz qoldirildi.
D. Tajimuratov va uning himoyachilarining shikoyatlari qanoatlantirilmasdan, sud hukmining unga oid qismi esa oʻzgarishsiz qoldirildi.
Eslatib oʻtamiz, 2022 yil 1-2 iyul kunlari Nukus voqealari boʻyicha shahridagi ommaviy tartibsizliklar sodir etilgan. Tartibsizliklarni keltirib chiqarishda gumonlanuvchi sifatida 39 nafar shaxs qoʻlga olinib, sud qilingandi.