Messi PSJni rasman tark etyapti
Klub unga jamoadagi faoliyati uchun minnatdorchilik bildirdi.
PSJ hujumchi Lionel Messi klubni tark etayotganini rasman maʼlum qildi.
"Fransiya poytaxtidagi ikki mavsumdan soʻng Lionel Messining PSJdagi sarguzashtlari nihoyasiga yetdi. Klub uning keyingi faoliyatiga omad tilaydi.
Biz 7 karra "Oltin toʻp sohibi bilan birgalikda ikki marta Fransiya chempionatida va bir marotaba Fransiya Superkubogida gʻalaba qozondik", deyiladi klub bayonotida.
Eslatib oʻtamiz, Messi 2021 yilda PSJ safiga erkin agent sifatida kelib qoʻshilgan. Futbolchi kelgusi faoliyatini Saudiya Arabistoni chempionatida davom ettirishi mumkin. Unga "Al-Hilol" klubi jiddiy qiziqish bildirmoqda. Shuningdek, "Barselona" ham sobiq futbolchisini ortga qaytarishni rejalashtirgan.
35 yoshli futbolchi joriy mavsum Fransiya chempionatida 31 ta uchrashuvda maydonga tushib, 16 ta gol va 16 ta golli uzatmani amalga oshirdi.