Forbes dunyoning eng qimmat jamoalari reytingini eʼlon qildi
Dastlabki oʻrinlardan Ispaniya va Angliya jamoalari oʻrin egalladi.
Forbes nashri jahonning eng qimmat klublari roʻyxatini eʼlon qildi.
Unga koʻra, Madridning "Real" klubi 6,07 milliard AQSh dollari narx bilan roʻyxatda yetakchilik qilmoqda. "Manchester Yunayted" klubi esa 6 milliard narx bilan 2-oʻringa loyiq koʻrildi. Uchlikni esa "Barselona" yopib bergan – 5,51 milliard dollar.
Toʻrtinchi oʻrinda "Liverpul" (5,29 mlrd), beshlikdan esa "Manchester Siti" (4,99 mlrd) joy olgan.
Shuningdek, top-10likdan "Bavariya" (4,86 mlrd), "PSJ" (4,21 mlrd), "Chelsi" (3,1 mlrd), "Tottenhem" (2,8 mlrd) va "Arsenal" (2,26 mlrd) ham joy oldi.
Top-20likka esa "Yuventus" (2,16 mlrd), "Borussiya D" (1,93 mlrd), "Atletiko" (1,54 mlrd), "Milan" (1,4 mlrd), "Vest Hem" (1,08 mlrd), "Inter" (1,03 mlrd), "Los-Anjeles" (1 mlrd), "Los-Anjeles Gelaksi" (925 mln), "Atlanta Yu" (850 mln) va "Kristal Pelas" (806 mln) klublari kiritilgan.