Fargʻonada yer sotgan Rossiya fuqarosi ushlandi
U 14 gektar yer maydonini sotishga uringan.
Rossiya fuqarosi Fargʻonada bogʻdorchilikka ajratilgan yerni noqonuniy sotayotgan paytda qoʻlga olingan.
Maʼlum qilinishicha, 1997 yilda Fargʻona viloyatida tugʻilgan fuqaro viloyat IIB boshligʻi nomiga yozgan arizasiga koʻra, tezkor tadbir oʻtkazildi.
1985 yilda Qirgʻizistonda tugʻilgan Rossiya fuqarosi Quvasoy shahar Qoʻchqorcha qishlogʻi hududida joylashgan bogʻdorchilik fermer xoʻjaligiga uzoq yilga ijaraga berilgan 14 gektar yer maydonini hech qanday hujjatlarsiz 14 ming AQSh dollariga sotishga kelishgan.
Gumonlanuvchi oldindan kelishilgan pulning 15 ming AQSh dollarini Fargʻona shahar Margʻiloniy koʻchasida olgan vaqtida ashyoviy dalil bilan ushlangan.
Hozirda mazkur holat yuzasidan tergovga qadar tekshiruv holatlari olib borilmoqda.