Sirdaryo hokimi markaz qurilishiga 1,2 mlrd ajratdi
Mablagʻlar "Yagona buyurtmachi xizmati" davlat unitar korxonasi hisobiga oʻtkazib berilishi belgilangan.
Sirdaryo viloyati hokimi "Tadbirkorlar va hunarmandlar markazi" qurish uchun davlat byudjetidan 1,2 mlrd soʻm ajratish haqida farmoyish imzolagan.
Ushbu mablagʻlar "Yagona buyurtmachi xizmati" davlat unitar korxonasi hisobiga oʻtkazib berilishi belgilangan.
Sirdaryo hokimi may oyida byudjetdan ancha pul ajratib qoʻygan. Masalan, viloyatda foto va video radarlar sotib olish uchun byudjetdan 3 mlrd. soʻm ajratilgan.
Shuningdek, viloyatda tashkil qilingan “Chavandozlar maktabi”ga “Sirdaryo universal qurulish loyiha” MChJga qarashli bino inshootini xarid qilish uchun yana byudjetdan 1 mlrd. soʻm mablagʻ Milliy gvardiya Sirdaryo viloyati chavandozlar maktabiga ajratilgan.
6-8 may kunlari Guliston shahrida boʻlib oʻtgan Xalqaro baxshichilik festivaliga Sirdaryo viloyati hokimi 716 mln. soʻmdan ortiq pul oʻtkazilgan.
