Oʻzbekiston Shimoliy Koreya raketalaridan xavotir olyapti
Bu Shimoliy Koreyaning birinchi harbiy razvedka sunʼiy yoʻldoshini uchirishga urinishidir.
Tashqi ishlar vazirligi Shimoliy Koreya tomonidan 31 may kuni tashuvchi kosmik raketa uchirilganidan xavotir bildirgan. TIV matbuot xizmati ushbu holat «Koreya yarimorolidagi keskinlikning yanada kuchayishiga olib keladi», deb aytgan.
«BMT Xavfsizlik kengashi rezolyutsiyalaridan kelib chiqadigan majburiyatlarga muvofiq ommaviy qirgʻin qurollarining barcha turlarini sinovdan oʻtkazishdan bosh tortish tarafdorimiz», — deyilgan xabarda.
Bu Shimoliy Koreyaning birinchi harbiy razvedka sunʼiy yoʻldoshini uchirishga urinishidir. Voqeadan koʻp oʻtmay, raketa dengizga qulab tushgan. Janubiy Koreya armiyasi esa raketa qoldiqlarini topgan.
