Bugun Yevropa ligasi gʻolibi aniqlanadi
Uchrashuv Toshkent vaqti bilan soat 00:00 da boshlanadi.
Vengriya poytaxti Budapesht shahrida Yevropa ligasi final bahsida "Sevilya" va "Roma" oʻzaro toʻqnash keladi.
Oʻtgan mavsum Yevropa Konferensiyalar ligasi gʻolibligini qoʻlga kiritgan "Roma" endi YeL mukofotiga ega boʻlishi mumkin. Joze Mourino shogirdlari musobaqada gʻolib chiqish boʻyicha katta tajribaga ega boʻlgan "Sevilya" bilan toʻqnashadi.
Gʻolib Yevropa Chempionlar ligasida ishtirok etish yoʻllanmasini naqd qiladi.
Eslatib oʻtamiz, oʻtgan yili Yevropa ligasi bosh sovrinini Germaniyaning "Ayntraxt" jamoasi qoʻlga kiritgandi.