Misr kompaniyasi 1,2 mlrd. sarmoya kiritadi
Bu haqda Shavkat Mirziyoyev va kompaniya raisi Najib Saviris bilan boʻlib oʻtgan uchrashuvda soʻz borgan.
Misrning Orascom Investment Holding kompaniyasi Oʻzbekistonda qoʻshma “yoʻl xaritasi” doirasida qiymati 1,2 milliard dollardan ziyod yirik investitsiya kiritmoqda.
Bu haqda Shavkat Mirziyoyev bugun, 29 may kuni boʻlib oʻtgan kompaniya raisi Najib Saviris bilan uchrashuvda soʻz borgan.
Saviris oliy darajadagi kelishuvlar doirasida Oʻzbekistonga kelgan. Uchrashuvda oziq-ovqat mahsulotlarini ishlab chiqarish, geologiya-qidiruv ishlarini amalga oshirish va metall konlarini oʻzlashtirish, zamonaviy mehmonxona majmualarini barpo etish va boshqarish, quyosh va shamol elektr stansiyalarini qurish boʻyicha istiqbolli loyihalar muhokama qilingan.