“Bo‘zatov FEST” Yoshlar ovozi tanlovining gʻoliblari Italiyada!
“Bo‘zatov FEST” Yoshlar ovozi tanlovining 2022 yilgi gʻoliblaridan iborat delegatsiya tajriba almashish maqsadida 19-22 may kunlari Italiyaga yuborildi. Isteʼdodli yoshlar u yerda ham oʻz chiqishlari bilan ishtirok etishdi.
Safar davomida ishtirokchilar nafaqat boy madaniy meros bilan tanishib tajriba almashishdi, balki ular ishtirokida Italiyaning Pezaro shahrida "Oʻzbekiston madaniyati kunlari va uning doʻstlari" mavzusida Oʻzbekiston madaniy merosi loyihasi taqdimoti ham oʻtkazildi.
Taʼkidlash lozim, mazkur loyihadan maqsad adabiyot, fan, sanʼat, kommunikatsiya yoʻnalishlarida faoliyat yurituvchilar, shuningdek, mualliflar, rassomlar, jurnalistlar, olimlar va musiqachilar oʻrtasida toʻgʻridan-toʻgʻri hamkorlik oʻrnatish masalasi oʻrtaga tashlandi.
Qolaversa, madaniyat va sanʼatning turli yoʻnalishlarida iqtidorli va ijodkor yoshlarning qobiliyatlarini namoyish etishdan iborat.
Tashrif davomida Italiyaning mashhur xonanda va sozandalari tomonidan mahorat darslari, oʻzbek xonanda va talabalari ishtirokida konsert dasturi tashkil etildi.
Shuningdek, opera konsertlari, milliy folklor spektakllari hamda tarixiy qadamjolarga tashriflar amalga oshirildi.
"Boʻzatov yoshlar ovozi" tanlovining gʻoliblari Italiyada oʻz chiqishlari bilan ishtirok etib, oʻzbek sanʼati va madaniyatini yana bir karra dunyoga tarannum etdi.